အသင်းပုံစံပိုပေါ်လာတဲ့ နောက်ထပ်ခြေစမ်းပွဲ (vs Chelsea)

ရာသီကြို ချစ်ကြည်ရေး ပွဲစဥ်ဖြစ်ပေမယ့် လန်ဒန်ပြိုင်ဖက်တွေဖြစ်နေတာရော ၊ ရာသီသစ်အတွက် နှစ်သင်းစလုံးဟာ ပြင်းပြင်းထန်ထန်ပြင်ဆင်နေကြတာရောကြောင့်  အာဆင်နယ်နဲ့ ချဲလ်ဆီးပွဲစဥ်ရဲ့ လူစာရင်းဟာ  ပရိတ်သတ်တွေအတွက် အားရစရာဖြစ်ခဲ့ပါတယ်။  ဂျေးဆူ ၊ ဇင်ချန်ကို အပါအဝင် ပရိတ်သတ်အကြိုက်နောက်တန်း ၃ ယောက်ကိုပါ တပြိုင်ထဲမြင်ခဲ့ရပါတယ်။

ပထမပိုင်းပြီးခါနီးမှာ  ရမ်းစ်ဒေးလ်လေပေါ်ဝဲပြီး ဖြတ်တင်ဘောကို လက်စွမ်းပြရှင်းထုတ်ရတာရယ် ၊ မောင့်ရဲ့ ကန်ချက်တိုင်ထိထွက်တာရယ်ကလွဲရင်  ကစားကွက်အရရော ရလဒ်အရပါ  အာဆင်နယ်က လွှမ်းမိုးနိုင်ခဲ့ပါတယ်။  အာဆင်နယ်အသင်းရဲ့နောက်တန်းကစားပုံဟာ  စိတ်ဝင်စားစရာကောင်းနေပါတယ်။  ဘယ်သူ့ကိုပွဲထုတ်မလဲလို့ ပရိတ်သတ်တွေ ဒွိဟဖြစ်နေခဲ့တဲ့အချိန်မှာ  အာတီတာဟာ   ဘန်ဝှိုက် ၊ ဆာလီဘာ ၊ ဂါဘရီရယ်တို့ ၃ ဦးစလုံးကို ပွဲထုတ်ခဲ့ပြီး မတူညီတဲ့ Function တွေနဲ့ ကစားစေခဲ့ပါတယ်။  အခု အခင်းအကျင်းအရ  ဆာလီဘာက Ball Playing Defender  ဆန်ပြီး  ၊  ဝှိုက်ကတော့ တိုက်စစ်အထိကိုလိုက်ပါတာကိုတွေ့ရပါတယ်။ အဲ့ဒီအချိန်မှာ  ပါတေးနဲ့ ဆာလီဘာတို့က ပြန်ပြီး ကာပေးထားတာကိုတွေ့ရပါတယ်။

ပါတေးရဲ့  Ball Winning ဖြစ်မှုဟာ အသင်းအပေါ်များစွာအထောက်အကူပြပါတယ်။  ပိတ်နေတဲ့ပြိုင်ဖက် နောက်တန်းကို  နေရာလွတ်ရှာတာ ၊  Long Pass တွေနဲ့ Side Change ပေးတာ စသည်ဖြင့် ခံစစ် ၊ တိုက်စစ် ၊ Transition အကုန်လုံးမှာ ပံ့ပိုးပေးနိုင်ခဲ့ပါတယ်။

ရသွားတဲ့ ပထမဂိုးမှာတော့ ဂျေးဆူရဲ့ တည်ငြိမ်မှုကို အတိုင်းသားမြင်ရသလို  ပရိတ်သတ်တွေအတွက်အားရစရာကောင်းလှပါတယ်။ ဒုတိယဂိုးကတော့ ပိုပြီးသဘောကျစရာပါပဲ။  ချဲလ်ဆီးဂိုးသမား မန်ဒီရဲ့  ပေးပို့မှုအမှားကနေ  ထိချက်နဲနဲနဲ့ ပဲ သွင်းယူသွားခဲ့တာပါ။ ပထမပိုင်းမှာ အားနဲတာကတော့ ဆာကာပါပဲ။ ဘောလုံးအပျက်များနေသလို  ဆုံးဖြတ်ချက်ချပုံတွေကလဲ  အနဲငယ်လိုအပ်ချက်ရှိခဲ့ပါတယ်။ ဒါပေမယ့် ဒုတိယပိုင်းမှာ လူကျွံအနေအထားကနေ တတိယဂိုးသွင်းယူခဲ့တဲ့အတွက် ဖြေဆည်စရာတော့ရှိခဲ့ပါတယ်။

လူငယ်တွေ ၊ အရံကစားသမားတွေဝင်လာပြီးနောက်မှာလည်း  ဂန်းနားတို့ ပုံစံအရမ်းပျက်မသွားခဲ့ပဲ  ချဲလ်ဆီးကို လွှမ်းမိုးကစားနိုင်ခဲ့ပါတယ်။ ခြေစမ်းပွဲဆိုပေမယ့် ပွဲက ပြိုင်ဆိုင်မှုပြင်းခဲ့ပြီး အဝါကတ်တွေလဲထိခဲ့ပါတယ်။  လန်ဒန်ပြိုင်ဖက်ဟာ  ပြိုင်ပွဲဆန်တဲ့ဖျက်ထုတ်မှုတွေလုပ်ခဲ့ရပြီး  ကူလီဘာလီရဲ့  အန်ကတ်တီယားကို ဖျက်ထုတ်မှုဟာ သိသာတဲ့ ဥပမာပဲဖြစ်ပါတယ်။

နောက်ဆုံးဂိုးကတော့  ဆမ်ဘီလိုကွန်ဂါက   ဆဲဒရစ်ရဲ့ဖြတ်တင်ဘောကို  စိတ်ကူးစိတ်သန်းကောင်းစွာနဲ့  မန်ဒီမမှီနိုင်လောက်တဲ့နေရာကို ခေါင်းတိုက်သွင်းသွားခဲ့တာပါ။

အားရစရာအဖြစ်ပြောရရင်တော့  ပိုပြီးသေသပ်လာတဲ့ Pressing  တွေ၊  တွဲလုံးတွေနဲ့  ၊ Passing Lane ဖွင့်တာတွေသိပ်ကောင်းခဲ့တာပဲဖြစ်ပါတယ်။ လိုအပ်ချက်အနေနဲ့ကတော့ အင်အားသုံးကစားရတဲ့အခြေအနေနဲ့  ကစားသမားတွေရဲ့ ကြံ့ခိုင်မှု၊  ကစားသမားတွေ ခြေစွမ်းယိမ်းယိုင်တာမျိုးရှိလာနိုင်တာ စတာတွေပဲဖြစ်ပါတယ်။

ခြေစမ်းပွဲဖြစ်တာကြောင့် ရလဒ်ကို ပျော်ရွင်ကျေနပ်ဖို့ထက်  ကစားကွက်ပုံပေါ်လာတာကို ပိုပြီးကျေနပ်ရမယ်လို့ ယူဆပါတယ်။ ဘယ်လိုပဲဖြစ်ဖြစ် အသင်းဟာ ပိုမိုသပ်ရပ် ကျစ်လစ်တဲ့အခြေအနေကို ဦးတည်နေပါတယ်။

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Website Powered by WordPress.com.

Up ↑

%d bloggers like this: