Gunners’ Side – နောက်ဆုံးရအာဆင်နယ်သတင်းများ (6Apr)

မက်ဆီမန်ကို ခေါ်ယူချင်ရင် အာတီတာမှာ အခွင့်အရေးရှိနေ

နယူးကာဆယ်အသင်းဟာ သူတို့ရဲ့ ကစားသမား စိန့်မက်ဆီမန်ကို သန်း ၅၀ ခန့်ရရှိပါကရောင်းချနိုင်တယ်လို့  Daily Mail က ဖော်ပြလာပြီးတဲ့နောက်  ၊  အာတီတာအနေနဲ့ လီနိုကို အသုံးချပြီးခေါ်ယူလိုက ခေါ်ယူနိုင်ကြောင်း Football London ကဖော်ပြလာပါတယ်။  နယူးကာဆယ်ဟာ အာဆင်နယ်ကို ထွက်ခွာဖို့သေချာသလောက်ရှိနေပြီဖြစ်တဲ့  လီနိုကို   လိုချင်နေတာဖြစ်လို့   ဒီနှစ်သင်းကြား  Business Deal တစ်ခုဖြစ်ပေါ်လာပါက   တောင်ပံကစားသမားကိုလည်း  အမ်းမရိတ်ဆီကို ခေါ်ယူဖို့အခွင့်အလမ်းရှိနေတာဖြစ်ပါတယ်။

အေဘရာဟမ်ကို အာဆင်နယ်ခေါ်ယူသင့်ကြောင်း ဆောင်းပါးရှင် ​ရေးသား

လက်ရှိရိုးမားအသင်းနဲ့အတူ ခြေစွမ်းပြနေတဲ့ ကစားသမား တမ်မီအေဘရာဟမ် က သူဟာ လန်ဒန်သားဖြစ်ကြောင်း ၊ တချိန်မှ အဂ်လန်ပြန်လာနိုင်ကြောင်းပြောဆိုအပြီးမှာ   Express UK ရဲ့ဆောင်းပါးရှင်  Sam Smith က  အာဆင်နယ်အနေနဲ့ သူတို့ရဲ့ ပစ်မှတ်ဟောင်းကို ခေါ်ယူဖို့ကြိုးစားသင့်ကြောင်းပြောဆိုလာခဲ့ပါတယ်။  ဆောင်းပါးရှင်က  တမ်မီဟာ  အာဆင်နယ်ရဲ့ လိုအပ်ချက်အတွက်  ကွက်တိအံဝင်နိုင်သူအဖြစ်  မှတ်ချက်ပြုရေးသားထားတာဖြစ်ပါတယ်။

မိုက်ဒင်းကြိုက်တဲ့ အာဆင်နယ်ဂန္တဝင်များ

ပရီးမီးယားလိဂ်ရဲ့ ဝါရင့်ဒိုင်လူကြီးဖြစ်တဲ့ မိုက်ခ်ဒင်းက  အာဆင်ဝင်းဂါးဟာ သူ့အတွက်ဖိအားဖြစ်စေတဲ့ ဒိုင်လူကြီးတစ်ဦးဖြစ်ကြောင်းဝန်ခံခဲ့သလို  အာဆင်နယ်အသင်းရဲ့ကစားသမားတွေဟာလည်း သူ့အကြိုက်ဆုံးတွေဖြစ်ကြောင်း ထုတ်ပြောလာပါတယ်။

“ သီယာရီအွန်နရီ ၊ ဘားကင်းနဲ့  ဗီအဲရာတို့ရဲ့အချိန်တွေပေါ့ဗျာ … သူတို့ကစားနေကြချိန်တွေဟာ ဘောလုံးပွဲတွေကို ခံစားဖို့ အကောင်းဆုံးပါပဲ “   လို့ ပြန်ပြောင်းပြောပြလာတာဖြစ်ပါတယ်။  အသက် ၅၃ နှစ်ရှိပြီဖြစ်တဲ့ ဒင်းဟာ နောက်ရာသီမှာ VAR  ဒိုင်အဖြစ်လုပ်ကိုင်တော့မှာဖြစ်တယ်လို့ သတင်းတွေရှိထားပေမယ့် ကာယကံရှင်ကတော့ အတည်မပြုသေးပါဘူး။

ဖူဟမ်လူငယ်ကို အာဆင်နယ်ခေါ်ယူ

အာဆင်နယ်အသင်းဟာ  ဖူဟမ်အသင်းကနေ ထွက်ခွာလာတဲ့အသက် ၁၆ နှစ်အရွယ် နောက်ခံလူ မာလ်ဒီနီကာကူရီကို ခေါ်ယူစာချုပ်လိုက်ပြီဖြစ်ကြောင်း Football London မှာ Chirs Wheatley က ဖော်ပြလာပါတယ်။  အာဆင်နယ်လူငယ်သတင်းများကို တစိုက်မတ်မတ်တင်ဆက် နေတဲ့  Jeorge Bird ကလဲ  ကာကူရီဟာ အာဆင်နယ်မှာ ပညာသင်လူငယ်အဖြစ် ဆက်လက်ဖြတ်သန်းရမှာ ဖြစ်ကြောင်းထပ်မံဖြည့်စွက်ပြီးရေးသားလာခဲ့ပါတယ်။

အမ်မရီပြန်ပြောပြလာတဲ့ ကြယ်ပွင့်လေးများအကြောင်း

အာဆင်ဝင်းဂါးအလွန်မှာ ဂန်းနားတို့ရဲ့မန်နေဂျာဖြစ်ခဲ့တဲ့ အူနိုင်းအမ်မရီဟာ   လက်ရှိခြေစွမ်းပြနေတဲ့ လူငယ်တသိုက်အကြောင်းကို The Athletic နဲ့တွေ့ဆုံစဥ်မှာ အခုလိုပြန်လည်ပြောကြားလာခဲ့ပါတယ်။

“  သူတို့လေးတွေက တကယ်ကိုပဲပြောင်းလဲသွားခဲ့ကြပါပြီ။ ကျွန်တော်ရှိစဥ်တုန်းက ဆာကာနဲ့စမစ်ရိုးက စပြီး ကစားခွင့်ရခါစလူငယ်တွေပါ။   ဆာကာကို သူ့အသက် ၁၇ နှစ်အရွယ်မှာ ပရီးမီးယားလိဂ်ပွဲဦးထွက်အဖြစ် ဖူဟမ်နဲ့ပွဲစဥ်မှာ ကစားစေခဲ့တယ်။   အဲ့ဒီအချိန်တုန်းက ထွက်သွားတဲ့ကစားသမားတွေနေရာအစားထိုးဖို့အတွက် သူတို့နဲ့အလုပ်လုပ်ခဲ့ရပါတယ်။ ပြီးတော့ မာတင်နယ်လီရောက်လာတယ်။  အဲ့ဒီအချိန်ထဲက သူတိုးတက်လာမယ်ဆိုတာ ကျွန်တော်သိထားပြီးသားပါ “  ဆိုပြီး ပြန်လည်ပြောပြလာတာဖြစ်ပါတယ်။