မွေးနေ့မှာဖုန်းပြောခဲ့ကြတဲ့ကစားဖော်ဟောင်း ၂ ယောက်

အာတီတာကတော့  ကစားဖော်ဟောင်းနဲ့ ဂန်းနားဟောင်း ကာဇိုလာရဲ့  အနာဂတ် ဆုံးဖြတ်ချက်တွေနဲ့ပတ်သတ်ပြီး  သူ့အနေနဲ့ဘာမှမသိထားသေးကြောင်း ၊ သူတို့ကြားမှာ အဲ့ဒီအကြောင်းမပြောဖြစ်ကြကြောင်း ပြောပြလာပါတယ်။  ၅ ရာသီကြာ တူတူတွဲကစားခဲ့ကြသူတွေဟာ  အာဆင်နယ်အသင်း FA Cup ရတော့လည်း အတူတူရှိနေခဲ့ကြတာပါပဲ။  ကာဇိုလာကတော့ အခုအချိန်ထိ ကာတာကလပ် အယ်ဆာ့ဒ် မှာဘောလုံးကစားနေဆဲဖြစ်ပါတယ်။  ပြီးတော့အသင်းကိုလဲ အမှတ်ပေးဖလားရအောင်လဲကူညီပေးထားနိုင်ပါတယ်။

စပိန်သား ကာဇိုလာ ဟာ  အာဆင်နယ်ရဲ့နည်းပြအဖွဲ့ထဲကို ပါဝင်ဖို့အတွက် ချိတ်ဆက်မှုတွေပြုလုပ်ခဲ့တယ်လို့ဆိုပါတယ်။ ဒါပေမယ့် အာတီတာရဲ့အသင်းမှာက သူအဖွဲ့နဲ့သူပြည့်နေခဲ့ပါပြ။ ဒီတော့ ဆွေးနွေးတဲ့အဆင့်ထိမရောက်ခဲ့။

“  ဆန်တီ နဲ့ကျွန်တော် အထွေအထူးဘာမှမပြောဖြစ်ကြပါဘူး “ လို့  ကြာသာပတေးနေ့က အင်တာဗျူးမှာ အာတီတာကဖြေပါတယ်။  

“  ခင်ဗျားအနေနဲ့ ဘောလုံးလောကထဲကဘယ်သူ့ကိုဖြစ်ဖြစ် ဆန်တီ့အကြောင်းမေးလိုက်ရင်တော့ သူတို့မျက်နှာပြုံးသွားမှာအသေအချာပဲပေါ့။  သူက ဘောလုံးဆက်ကစားမှာလား …  ကျွန်တော်မသိပါဘူး။  ဒါပေမယ့် သူကဘာပဲလုပ်လုပ် ဘောလုံးနဲ့ပတ်သတ်တာတစ်ခုခုပဲဖြစ်မှာပါ။ သူ့အကြောင်းကျွန်တော်ကောင်းကောင်းသိပါတယ် “   လို့ အာတီတာကသူ့ရဲ့မိတ်ဆွေဟောင်းအကြောင်းကို ပြောလာပါတယ်။

Advertisements

ဆက်လက်ပြီး “  ကျွန်တော့်မွေးနေ့တုန်းက သူနဲ့စကားပြောဖြစ်ကြတယ် …  ဒါပေမယ့် ဘာမှမဆွေးနွေးရသေးဘူး  ..  လောလောဆယ်တော့   ဒီလောက်ပဲပြောနိုင်ပါတယ် “  လို့ဆိုပါတယ်။

ပြီးခဲ့တဲ့နှစ်တုန်းကတော့  ကာဇိုလာက  အာတီတာကို ချီးကျူးရင်း  အမ်းမရီတ်ဆီကို နည်းပြအဖြစ်ပြန်လာဖို့ ဖြစ်နိုင်ချေကို ဖွင့်ဟခဲ့ပါတယ်။

“   အာဆင်နယ်မှာ တူတူကစားခဲ့ကြတုန်းကပေါ့ဗျာ .. သူက အဝတ်လဲခန်းမှာ တစ်ဦးတည်းသောစပိန်သားပါ။  သူရော သူ့မိသားစုရောက ကျွန်တော့်ကို အပြည့်အဝကူညီခဲ့ကြတာပါ။   သူနဲ့ကျွန်တော်က ကလေးဘဝ ဘောလုံးသင်တန်းသားဘဝကတည်းက တူတူရှိခဲ့ကြတယ်။ ကစားပွဲတွေအတူကြည့်ခဲ့ကြတယ်။ သူက အဲ့ဒီအချိန်ထဲကနည်းပြသွေးပါနေခဲ့တာပါ “ လို့ AS သတင်းဌာနကိုဖြေကြားခဲ့တာပါ။

“ ကျွန်တော်က အကူအညီတစ်ခုဖြစ်မယ်လို့  သူသာယုံကြည်ရင် ကျွန်တော်ကအသင့်ပါပဲ။ ဆွေးနွေးဖို့အတွက် တံခါးဖွင့်ထားပါတယ်။  အခုထိတော့ ဘာမှ အထွေအထူးမရှိသေးပါဘူး ..စောင့်ကြည့်ရတာပေါ့ “ လို့ ကာဇိုလာက ဆိုခဲ့တာပါ။

ငယ်သူငယ်ချင်း  ၂ ယောက်ကို အမ်းမရိတ်မှာ တူတူဆုံရဖို့ရှိမလားကတော့ပြောရခက်ပါတယ်။ အာတီတာကတော့ သူ့ရဲ့ခရီးစဥ်ကို မှန်မှန်ချီတက်နေဆဲပါပဲ။ နောက်ဆုံးသတင်းအရတော့  ၂၀၂၂ ခုနှစ် မတ်လအတွက် ပရီးမီးယားလိဂ်ရဲ့အကောင်းဆုံးမန်နေဂျာအဖြစ်ရွေးချယ်ခံထားရပါတယ်။ သူ့မှာလဲအနီးဆုံးရင်ဆိုင်စရာတွေအပြည့်နဲ့ပါ။ အရာရာကတော့ စောင့်ကြည့်ဖို့ပါပဲ။

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Website Powered by WordPress.com.

Up ↑

%d bloggers like this: