နံနက်ခင်း ချဲလ်ဆီး သတင်းမှတ်စု (16Jan)

အသင်းပြောင်းပြီဖြစ်တဲ့  ချဲလ်ဆီးအကယ်ဒမီကစားသမား

၂၀၁၄ ခုနှစ်ကစလို့  အသင်းပေါင်းများစွာမှာ အငှားသွားရောက်ကစားရင်းအချိန်ကုန်ဆုံးခဲ့တဲ့  ချဲလ်ဆီးအကယ်ဒမီကွင်းလယ်လူ  လူးဝစ် ဘိတ်ကာ ဟာ  ဇန်နဝါရီလမှာတော့  စတုတ်စီးတီးအသင်းကို ၂နှစ်ခွဲသက်တမ်းရှိစာချုပ်တစ်ရပ်နဲ့ အပြီးသတ်ပြောင်းရွှေ့သွားပြီဖြစ်ပါတယ်။  စတုတ်စီးတီးနည်းပြ မိုက်ကယ်အိုနီးလ် ကတော့  ဘိတ်ကာ အနေနဲ့အသင်းသစ်တစ်သင်းမှာ အခြေချဖို့အသင့်ဖြစ်နေပြီမို့ ပြောင်းရွေ့လာတာဖြစ်ကြောင်း သတင်းဌာနများကိုဖြေကြားခဲ့ပါတယ်။ ဘိတ်ကာဟာ  နယ်သာလန် ၊ တူရကီ နဲ့  အဂ်လန်ပထမတန်းအသင်းများစွာမှာ အငှားကစားရင်း ပွဲပေါင်း ၂၀၀ နီးပါးမှာ  ဂိုးပေါင်း ၃၀ အထိသွင်းယူခဲ့ပြီးဖြစ်ပါတယ်။

အန်ဒါလက်ချ်ကစားသမားကို ချဲလ်ဆီးစိတ်ဝင်စားနေ

ချဲလ်ဆီးတို့ဟာ အန်ဒါလက်ချ်အသင်းရဲ့ အသက် ၂၁ နှစ်အရွယ်ကွင်းလယ်လူ ဆာဂျီယိုဂိုမက်ဇ် ကို ခေါ်ယူဖို့ ကြိုးစားနေတယ်လို့ Team Talk ကဖော်ပြသွားပါတယ်။ အစွန်နောက်ခံလူအဖြစ်လဲကစားနိုင်တဲ့ စပိန်လူငယ်လေးဟာ ဒီရာသီမှာ  ၂၈ ပွဲကစား ၊  ၆ ဂိုးသွင်းပြီး  ၁၃ ကြိမ်ဖန်တီးထားနိုင်သူလဲဖြစ်ပါတယ်။ ကစားသမားကို ဇန်နဝါရီမှာခေါ်ယူဖို့အတွက်ကတော့ ခက်ခဲမှာဖြစ်တယ်လို့ သိရပါတယ်။

Advertisements

ဂျော်ဂျင်ဟိုကိုပဲ ပင်နယ်တီကန်ခိုင်းပြီး အနိုင်ရဖို့ မဖြစ်နိုင်ဘူးလို့ တူချယ်ပြော

မန်စီးတီးကိုရှုံးနိမ့်ခဲ့တဲ့ပွဲကစွမ်းဆောင်ရည်ကို တူချယ်က စိတ်ပျက်လက်ပျက်ဖြစ်နေပြီး အခုလိုပဲ ငြီးတွားသွားခဲ့ပါတယ်။

“ ပထမပိုင်းမှာ  တိုက်စစ်ဆင်မှုတွေဟာ မကောင်းခဲ့ပါဘူး။  ဘောလုံးတွေအများကြီးပျက်တယ်။  နေရာယူတွေလွဲတယ်။  တန်ပြန်တိုက်စစ်တွေက ချိန်သားမကိုက်ခဲ့ဘူး။  ဒီလိုအဆင့်မှာ  ဒီလောက်စွမ်းဆောင်ရည်နဲ့ ကစားလို့မရပါဘူး။   ဂျော်ဂျင်ဟိုကို ပွဲတိုင်းပင်နယ်တီတွေကန်ခိုင်းနေလို့မဖြစ်ပါဘူး။ ဒါက ရှင်းရှင်းလေးပါ “    လို့ ဆိုသွားခဲ့တာဖြစ်ပါတယ်။

ပယ်ရီဆစ်ကို  ချဲလ်ဆီးကြိုးစားဖွယ်ရှိ

အင်တာမီလန်အသင်းရဲ့  အဓိက ကစားသမားတစ်ဦးဖြစ်တဲ့ ပယ်ရီဆစ်ကို   ချဲလ်ဆီးတို့က စိတ်ဝင်စားနေတယ်လို့ Mirror UK ကဖော်ပြလာပါတယ်။ အဆိုပါ အသက် ၃၂ နှစ်အရွယ် ခရိုအေးရှားကစားသမားဟာ စာချုပ် ၆ လသာကျန်ခဲ့တာဖြစ်လို့ ရာသီကုန်မှာ အလွတ်နဲ့ လက်လွှတ်ရမယ့်အစား တစ်စုံတစ်ခုပြုလုပ်ဖို့  အင်တာအသင်းအနေနဲ့ကြိုးပမ်းမှာဖြစ်တယ်လို့လဲ ဆိုပါတယ်။  အာဆင်နယ်နဲ့စပါးအသင်းတို့ ကလည်း စိတ်ဝင်စားဟန်ပြကြပေမဘ့်  ချဲလ်ဆီးအနေနဲ့ လန်ဒန်ပြိုင်ဖက်တွေကို အသာစီးယူနိုင်ဖို့များတယ်လို့လဲ ဖော်ပြထားပါတယ်။

အလွန်ဆိုကို ပရိတ်သတ်တွေစိတ်ပျက်နေကြ

မန်စီးတီးနဲ့ပွဲစဥ်မှာ  စတာလင်ကို မထိန်းနိုင်ခဲ့တဲ့  အလွန်ဆိုရဲ့ စွမ်းဆောင်မှုကို ပရိတ်သတ်တွေက တော်တော်လေးစိတ်ပျက်နေကြတယ်လို့ 101 Greatest Goals က ရေးသားလားပါတယ်။ အလွန်ဆိုရဲ့ စွမ်းဆောင်ရည်ဟာ တော်တော်လေး ပျက်ယွင်းနေခဲ့ပြီး  လူငယ်ဖြစ်တဲ့ မာလန်ဆားရ်ကတောင် သူ့ရဲ့အခြမ်းကိုဝင်ကူနေခဲ့ရတာဖြစ်ပါတယ်။

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Website Powered by WordPress.com.

Up ↑

%d bloggers like this: